2024 жылдың 10-17 желтоқсан аралығында мектебімізде қазақ тілі мен әдебиеті пәні апталығы өтті.
Апталықтың мақсаты: оқушылардың қазақ тіліне деген қызығушылықтарын арттыру, мемлекеттік тілді білуге, мәдениет пен дәстүрді қастерлеуге баулу, туған жерін сүюге, қадірлеуге тәрбиелеу.
Апталық барысында түрлі сыныптан тыс жұмыстар, сайыстар, 2-11 сынып оқушыларын белсенділікке қатыстырған ойындар өткізілді. Аптаның әр күні оқушылардың қызығушылығын арттыруға бағытталды.
Пән апталығы аясында Тәуелсіз ел-Қазақстан!», «Абайды оқы, жалықпа» атты мәнерлеп оқу сайысы өтті. «Бауырсақ – FEST», «Бәрін білгім келеді» үзіліс арасындағы ойындар өткізілді.
Апталықтың соңғы күні салтанатты жабылу кешінде апталыққа белсенді қатысқан барлық оқушылардың есімдері аталып, мадақтамалар мен дипломдар берілді.
Қазақ тілі мен әдебиеті пән мұғалімдері түрлі әдіс-тәсілдерді қолдана отырып, оқушылардың мемлекеттік тілді жетік меңгеріп білуіне көңіл бөліп, пәнге деген қызығушылығын арттырып, ізденімпаздық қабілеттерін оята білді.
