Отбасы күніне арналған іс-шаралар жоспарын іске асыру аясында «Ғабит Мүсірепов атындағы №43 орта мектеп» КММ-де 2023 ж. 11.09 «Әдеби шығармалар парақтарындағы отбасы» атты кітап көрмесі ұйымдастырылды. Отбасы – бұл әрқайсымыз үшін өмірдегі ең маңызды нәрсе. Бұл жақын және қымбат адамдар, біз жақсы көретін, қамқорлық жасайтын, жақсылық пен бақыт тілейтін адамдар.

Отбасы күніне орай оқушылардың назарына отбасы туралы ең қызықты, көңілді және қайғылы, бос уақытында және отбасылық шеңберде оқуға арналған кітаптардың таңдауы ұсынылды. Көрмеге келушілер «Балалық шақ. Жасөспірім. Жастық шақ» Л.Н.Толстой, «Әкелер мен балалар» И.С. Тургенев, «Ағайынды Карамазовтар» Ф.М.Достоевский, «Чук пен Гек» А. Гайдар, «Мэри Поппинс» П.Л.Трэверс, «Питер Пэн мен Венди» Д. М. Барридің және т. б. шығармаларымен танысты. Оқушылар танысқан кітап беттерінде отбасылар, балалар, ата-әжелер, бауырлар туралы әңгімелер бар.  Сондай-ақ, біздің көрмеге келушілерге оқушылардың жасына бағытталған отбасы туралы кітаптар көрсетілген буклеттер ұсынылды.