“Стильдендірілген витраж” шеберлік сыныбы
Халықаралық балаларды қорғау күніне арналған “Бақытты балалық үшін” республикалық акциясын өткізу шеңберінде, балалардың проблемаларын шешуге және олардың құқықтарын қорғауға қоғамның тұрақты назарын және қызығушылығын қалыптастыру мақсатында, 2024 ж. 12.05 “Ғабит Мүсірепов атындағы №43 орта мектеп” КММ базасында көлемді панельдер жасау бойынша “Стильдендірілген витраж” шеберлік сыныбы өтті.
Шеберлік сыныптың мақсаты – сәндік-қолданбалы шығармашылық арқылы оқушылардың шығармашылық қабілеттерін дамытуға жағдай жасау, балаларды өз қолдарымен әдемі заттар жасауға үйрету.
Шеберлік сынып қатысушылары “№23 орта мектеп” КММ, “№4 орта мектеп” КММ, “№16 орталау мектеп” КММ, “М. Жұмабаев атындағы ІТ-мектеп – лицейі” КММ, Абай атындағы мамандандырылған қазақ мектеп – гимназиясы, “Ғабит Мүсірепов атындағы №43 орта мектеп” КММ-нің 8 сынып оқушылары болды.
Шеберлік сыныпқа оқушылар байыпты және жауапкершілікпен қарады, жұмысқа қажетті барлық нәрсені дайындады: түрлі-түсті қағаз, капрон, фатин, тор, моншақ және т.б.. Балалардың қиялы мен шығармашылығында шек болған жоқ! Ұсынылған жұмыстардың әрқайсысы мейірімділіктің бір бөлігін алып жүрді, ересектер мен балалардың назарын аударды. Қатысушылардың әрқайсысы панно жасау идеясына қызығушылық танытып, нәтижеге шын жүректен қуанды.
Іс-шара оқушыларға сәндік-қолданбалы өнердің жаңа техникасымен танысуға, өз бойында ерекше таланттарды ашуға, эстетикалық талғамды сіңіруге мүмкіндік берді.
