«Орта білім беру ұйымдары үшін міндетті мектеп нысанына қойылатын талаптарды бекіту туралы» Қазақстан Республикасы Білім және ғылым министрінің 2016 жылғы 14 қаңтардағы №26 бұйрығы негізінде және «Қазақстан Республикасы Білім және ғылым Министрінің 2016 жылғы 14 қаңтардағы №26 бұйрығына өзгерістер енгізу туралы» Қазақстан Республикасы Оқу-ағарту министрінің 2022 жылғы 30 желтоқсандағы №534«Орта білім беру ұйымдары үшін міндетті мектеп формасына қойылатын талаптарды бекіту туралы» бұйрығына  және «Ғабит Мүсірепов атындағы №43 орта мектеп» КММ білім алушыларының мектеп формасы мен сыртқы келбеті туралы ережесіне» сәйкес білім алушылардың сыртқы келбеті іскерлік стиль нормаларына сәйкес келуі және зайырлы сипатта болуы тиіс. Киім таза және үтіктелген болуы керек. Гигиена ережелерін сақтай отырып.

5-11 сынып ұлдарына арналған мектеп формасына мыналар кіреді: қара-көк немесе қара түсті классикалық костюм, қарапайым көйлек, қара аяқ киім. Түймелері бар тоқылған жемпір/кардиган, поло немесе теннис жейдесі (қысқы кезең: тоқылған жилет, водолазка). Классикалық стильдегі және ұзындығы бойынша ер балаларға арналған шалбар аяқтың тобығын жабады.

5-11 сынып қыздарына арналған мектеп формасына мыналар кіреді: ақ алжапқышы бар қара көк көйлек, тізенің ортасына дейінгі юбка, пиджак, шалбар, классикалық жейде немесе түймелері бар тоқылған жемпір/кардиган, поло немесе теннис жейдесі (қысқы кезең: тоқылған жилет, сарафан, водолазка). Қыздарға арналған шалбар классикалық стильде және ұзындығы бойынша аяқтың тобығын жабады.

Мектептегі бастауыш сынып оқушыларына арналған мектеп формасының стилі мыналарды қамтиды:

–  қыздарға: юбка, сарафан (көк тор), ақ блузка, галстук (көк тор), ашық түсті колготка.

– ұлдарға қою көк немесе қара шалбар, ашық түсті көйлек, жилет (көк тор), галстук (көк тор).

Ұлдар мен қыздарға арналған спорттық формаға мыналар кіреді: спорттық костюм (спорттық шалбар, футболка), спорттық аяқ киім (кроссовка, кеды).

Әр түрлі конфессиялардың діни тиесілілігінің киім элементтерін мектеп формасына енгізуге жол берілмейді.

Ата-аналар мен өзге де заңды өкілдер білім алушылардың орта білім беру ұйымында белгіленген мектеп формасын киіп жүруін қамтамасыз етеді.