Білім алушыларды әскери-патриоттық тәрбиелеудің негізгі және маңызды міндеті Отанға деген сүйіспеншілікті, Қарулы Күштер қатарында қызмет етуге деген ұмтылысты ояту, әскери қызметтің беделін көтеру болып табылады.

Отан қорғаушы күнін мерекелеуге арналған іс-шаралар жоспарына сәйкес, “Ғабит Мүсірепов атындағы №43 орта мектеп” КММ оқушылары үшін 1-11 сыныптарда Отан қорғаушы күніне арналған бірыңғай сынып сағаты өтті. Іс-шараның мақсаты: оқушыларды патриотизм, азаматтық рухында тәрбиелеу; оқушылардың назарын туған тарихына, өз халқының тағдырына аудару; Қазақстан Республикасының Қарулы Күштерінде қызмет ету үшін қажетті қасиеттерді қалыптастыру.

Аталған іс-шарада оқушылар тарихи ақпаратты, сондай-ақ Қазақстан Республикасының әскерлері туралы ақпаратты қамтитын патриоттық бейнероликтерді, презентацияларды тамашалады. Оқушылар қызығушылық танытып, өздерін қызықтырған сұрақтарға жауап алды. Іс-шара жастардың азаматтық ұстанымын арттыруға ықпал етті.

Сынып сағатының соңында жастарды құттықтау рәсімі өтті. Қыздар Отан қорғаушы күніне арналған тақырыптық өлеңдерді оқып, балаларды дайындалған бейне презентацияларымен құттықтады.