1 қыркүйекте “Ғабит Мүсірепов атындағы №43 орта мектеп” КММ оқушыларға есігін айқара ашты. Биылғы жылы мерекелік саптық жиындар “Мектебім – мейірім мекені” бірыңғай ұранымен өтті. Жаңа оқу жылының басталу қуанышын бізбен бөлісуге келген құрметті қонақтардың қатысуы іс-шараға ерекше салтанат сыйлады: Сандыбеков Марлен Багытбекұлы — Петропавл қаласы әкімінің орынбасары. Марлен Багытбекұлы оқушыларды, мұғалімдер мен ата-аналарды Білім күнімен құттықтап, барлығына табыс, шабыт және жоғары жетістіктер тілеп, жылы лебізін білдірді. Қайыржанова Зарина Бағдатқызы-қалалық білім бөлімінің әдіскері, мектеп ұжымына қолдау білдіріп, үздік тілектерін білдірді.

Мерекенің жарқын және әсерлі сәті алғашқы мектеп қоңырауының дәстүрі болды: 1 және 11 сыныптар қатарында мектеп парламентінің белсендісі, мектеп мерекелерінің тұрақты жүргізушісі, 11 “Б” сынып оқушысы Михейкин Матвей мен 1 “А” сынып оқушысы Мұхаметалина Жансаяға бірінші қоңырау шалу құқығы берілді. 2-4 сыныптарға арналған саптық жиында оқу үздіктері мен мектеп белсенділері — 4 “В” сыныбының оқушысы Юркина Дарья және 4 “Б” сыныбының оқушысы Кусаинов Айсултан алғашқы қоңырауды берді. Екінші ауысымда жаңа оқу жылында бірінші қоңырау шалу құқығы халықаралық және республикалық би байқауларының жүлдегері, оқу үздігі, 7 “В” сынып оқушысы Гугняк Аннаға берілді. Бірінші сынып оқушылары үшін бұл күн білім әлеміне үлкен жолдың басы болды, ал жоғары сынып оқушылары үшін жаңа биіктерге тағы бір маңызды қадам болды.

Баршаңызды жаңа 2026-2027 оқу жылының басталуымен құттықтаймыз! Ол жарқын оқиғаларға, игі істерге және жаңа жеңістерге толы болсын!