Отырыс барысында өткен оқу жылындағы мектеп жұмысының қорытындылары қаралды, жаңа оқу жылына арналған қызметтің негізгі бағыттары бекітілді, педагогтерді тарифтеу және аттестаттау, сондай-ақ мектеп формасына қойылатын талаптарды және ішкі тәртіп ережелерін сақтау мәселелері талқыланды. Қолайлы және қауіпсіз білім беру ортасын құруға, балаларға қажетті қолдауды уақтылы көрсетуге және олардың табысты бейімделуі мен дамуын қамтамасыз етуге бағытталған білім алушыларды психологиялық-педагогикалық сүйемелдеу қызметінің жұмысын ұйымдастыруға ерекше назар аударылды. Сондай-ақ білім алушылардың бойында адамгершілік құндылықтарды, азаматтық жауапкершілікті, патриотизмді және ұлттық дәстүрлерді құрметтеуді қалыптастыруға бағытталған “Адал Азамат” бірыңғай тәрбие бағдарламасы шеңберінде тәрбие жұмысының негізгі бағыттары айқындалды. Педагогикалық кеңес жаңа 2026-2027 оқу жылында мектептің басым міндеттері мен даму перспективаларын анықтаудағы маңызды кезең болды.